Ташық 2 қорымы

Ескерткіш Ащысу су қоймасының оң жағалауында, оңтүстіктегі кішігірім төбе басында, триангуляциялық белгіден оңтүстік-шығысқа қарай 2 км, су қоймасының қарама-қарсы жағындағы балықшылар қонысынан солтүстік-шығысқа қарай 1,5 км, қаза тапқан балықшылардың екі ескерткішінен солтүстік-батысқа қарай 80 м, қарсы жағалаудағы электр желісінен оңтүстік-шығысқа қарай 1,5 км жерде орналасқан.

1 құрылыс – тас қорған, диаметрі 7 м, биіктігі 0,4 м.

2 құрылыс – тас қорған, диаметрі 6 м, биіктігі 0,3 м.

3 құрылыс – тас қорған, диаметрі 5 м, биіктігі 0,3 м.

4 құрылыс – тікбұрышты пішінді тас қалама, көлемі 4х3 м, солтүстік батыс- оңтүстік-шығысқа бағытталған.

5 құрылыс – тіктөртбұрышты пішінді тас қалама, көлемі 4х4 м, солтүстік батыс-оңтүстік-шығысқа бағытталған.

6 құрылыс – тіктөртбұрышты пішінді тас қалама, көлемі 4х4 м, солтүстік батыс-оңтүстік-шығысқа бағытталған. Барлық қаламалар жоғарғы қабаттан 0,1-0,15 м шығыңқы орналасқан.

Ташық 2 қорымын 2007 жылы В.В. Варфоломеевтің басшылығымен Е.А.Бөкетов атындағы ҚарМУ археологиялық экспедициясының барлау тобы ашқан.

Әдебиет:

Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.