Съезтөбе қорымы
Съезтөбе қорымы Нұра өзенінің оң жағалауынан шығысқа қарай 350 метр, Ащысу станциясынан солтүстік-шығысқа қарай 3 км, басында геодезиялық белгісі бар төбеде орналасқан.
Қорым тас үйінділі екі қорғаннан және сопақша пішінді он бес тас қаламадан тұрады.
№1 қорғанның диаметрі 25 м, биіктігі 1,5 м. Қорғанның ортасында дөңгелек шұңғылша орналасқан.
№2 қорғанның диаметрі 8 м, биіктігі 0,5 м.
Тас қаламалардың көлемі 1х2 м, биіктігі 0,2-0,3 м. Бұл кейінгі ортағасырлық жерлеу орны болуы тиіс.
№1 және №2 қорғандар сыртқы түрлері бойынша ерте темір ғасыры дәуіріне, сопақша қаламалар кейінгі орта ғасыр дәуіріне жатады.
Съезтөбе қорымын 1984 жылы В.В. Варфоломеевтің басшылығымен ҚарМУ қызметкерлері ашқан.
Әдебиет:
Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.