Ащысу 1 қорымы
Ащысу 1 қорымы Қарағанды облысының Бұқар жырау ауданында, Ащысу өзенінің сол жағалауында, Аюлы селосынан оңтүстік-шығысқа қарай 5 км, «Қарағанды-Қарқаралы» тас жолы бойындағы көпірден солтүстік-шығысқа қарай 2 км жерде орналасқан. Ескерткіш 4 қорғаннан тұрады.
1 қорғанның диаметрі 9 м, биіктігі 0,8 м, топырақты, ішінде тас үйіндісі бар, қоршаудың диаметрі 7 м.
2 қорғанның диаметрі 6 м, биіктігі 0,5 м, тас-топырақты.
3 қорғанның диаметрі 7 м, биіктігі 0,5 м, топырақты, ішінде тас үйіндісі бар, қоршаудың диаметрі 6 м.
4 қорғанның диаметрі 7 м, биіктігі 0,5 м, тас-топырақты.
Ащысу 1 қорымын 1979 жылы В.Г.Ломанның басшылығымен Е.А.Бөкетов атындағы ҚарМУ археологиялық экспедициясының барлау тобы ашқан.
Әдебиет:
Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.