Тастыадыр 2 қорымы
Өткелсіз өзенінің сол жағалауынан батысқа қарай 600 м, Жастілек селосынан солтүстік-шығысқа қарай 6 км жерде орналасқан. Тас қорғаннан және 10 сопақша тас қаламадан тұрады. Қорғанның диаметрі 11 м, биіктігі 0,7 м, ортасында тонаушылық белгісі бар диаметрі 5 м, тереңдігі 0,4 м қазба жүргізілген. Қорған ерте темір ғасырына, қаламалар – кейінгі ортағасырға жатқызылады.
Ескерткішті 2009 жылы САИ барлау тобы ашқан (В.В. Варфоломеев).
Әдебиет:
Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.