Екіқазақ 2 қорымы

Ескерткіш осы аттас елді мекенде, Қарасу өзенінің сол жағалауында, кішігірім төбешікте орналасқан. Қорым екі тас қорғаннан, екі тас сақинадан және екі менгірден тұрады. 1 қорғанның диаметрі 9 м, биіктігі 0,6 м, 2 қорғанның диаметрі 6 м, биіктігі 0,5 м. Екі қорған да тонаушылыққа ұшыраған. Тас сақинаның диаметрі 2 және 3 м. Менгірлер қорғандар мен сақинаның арасында орналасқан. Менгірлердің биіктігі 0,6 м дейін жетеді.

Екіқазақ 2 қорымын 2008 жылы Е.А.Бөкетов атындағы ҚарМУ археологиялық экспедициясының барлау тобы ашқан (В.В. Варфоломеев).

Әдебиет:

Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.