Құйылыс қорымы
Құйылыс қорымы Ақжар (Жартас) су қоймасынан шығысқа қарай жалғыз тұрған аласа төбенің басында орналасқан. Су қоймасы бөгетінен оңтүстік-шығысқа қарай 700 м, геодезиялық белгіден шығыс-оңтүстік-шығысқа қарай 2 км жерде.
Ескерткіш үш тас қорғаннан және екі тас қаламадан тұрады.
№ 1қорған – диаметрі 7 м, биіктігі 0,6 м.
№ 2 қорған – диаметрі 9 м, биіктігі 0,7 м.
№ 3 қорған – диаметрі 7 м, биіктігі 0,3 м. Солтүстік-шығыстан қорғанға ұзындығы шамамен 40 м, ені 1-1,2 м болып келетін тас «мұрттар» келіп қосылады. Тас қаламалар сопақша пішінді болып келген, олардың көлемі 2х3 м, биі ктігі шамамен 0,1 м.
Құйылыс қорымын 2007 жылы Е.А.Бөкетов атындағы ҚарМУ археологиялық экспедициясының барлау тобы ашқан (В.В. Варфоломеев).
Әдебиет:
Қарағанды облысы Бұқар жырау ауданының археологиялық картасы. - В.В. Варфоломеев, Т.С. Тулеуов, А.И. Кукушкин – Қарағанды, 2014. – 138 б.