Сарыапан қорымы
Қорым Сарыапан өзенінің сол жағалауындағы байырғы сатылы бедерінде Қарағанды-Павлодар автожолының шығысында 3 км, ЖЭС-тен шығысырақ 0,5 км, №21 сорғы станциясының солтүстік-шығысына қарай, №20 сорғы станциясының оңтүстік-батысында орналасқан.
Қорым 3 қорғаннан тұрады.
Қорған 1–тас-топырақтан үйілген, диаметрі 10 м, биіктігі 0,4 м.
Қорған 2–тас-топырақтан үйілген, диаметрі 8 м, биіктігі 0,3 м. шығыс жағын құмды жол басып қалған.
Қорған 3–топырақтан үйілген, диаметрі 5 м, биіктігі 0,2 м.
2011 жылы ҚарМУ қызметкері И.А.Кукушкин ашқан.
Әдебиет:
Кукушкин И.А., Тулеуов Т.С., Кукушкин А.И. Қарағанды облысы Осакаров ауданының археологиялық картасы. – Қарағанды, 2013. – 136 б.