Сарткорған қорымы

Төбе басында Белодымовка қыстауынан оңтүстік-шығысқа қарай 1,8 км, ЖЭС-тің солтүстік-шығысында 0,4 км жерде орналасқан. Саздан тұрғызылған бейіттен, 3 қорғаннан және сегіз кішігірім тас үйінділерінен тұрады.

Саздан тұрғызылған бейін шығыстан батысқа қаратылған. Ұзындығы 12 м, ені 10 м. Шығыс жағында кішігірім құрылыстар көзге шалынады.

Қорған 1. Тастан үйілген. Диаметрі 10,5 м., биіктігі 0,6 м. Оңтүстігінде сегіз сопақша келген тас үйінділері көрінеді, көлемі 2х1 м, бұрынғы жерлеу орындарының белгілері байқалады.

Қорған 2. Тастан үйілген. Диаметрі 6 м., биіктігі 0,2 м.

Қорған 3. Тастан үйілген. Диаметрі 5 м., биіктігі 0,3 м.

1991 жылы ҚарМУ қызметкері И.А.Кукушкин ашқан.

Әдебиет:

Кукушкин И.А., Тулеуов Т.С., Кукушкин А.И. Қарағанды облысы Осакаров ауданының археологиялық картасы. – Қарағанды, 2013. – 136 б.