Бұғылы 2 қонысы
Ескерткіш Қызылқой ауылынан 10,9 км оңтүстік-батысқа, Алшын қараусыз қалған қыстақтан 1,8 км батыс-оңтүстік-батысқа, Шопа ө. оң жағалауында орналасқан, қарсы жағалауда Бұғылы 2 қорымы орын тепті.
Қоныс тұрғын және шаруашылық құрылыстардың сұлбасынан табылды, оның қабырғалары ірі тақтатастармен төселген, жер қыртысынан 10-20 см-ге шығып тұрды. Отыздан астам айқындалған құрылыстардың осылайша шамамен жиырмасы түрғын үй типіне жатады. Әрбір тұрғын кешендерінде бір немесе екі құрылыс шаруашылыққа тағайындалуы тән (малдарға арналған қашарлар, шеберханалар, кішігірім қоймалар және т.б.). Тұрғын және шаруашылық құрылыстардың қабырғалары, әдеттегідей қырға қойылған ірі граниттік тақта тастармен төселген. Барлық құрылыстар жоспарда айқын тік бұрышты немесе шаршы болып келеді.
1955 жылы Ә.Х. Марғұлан жетекшілігіндегі Орталық Қазақстан археологиялық экспедициясымен ашылды.
- Маргулан А.Х., Акишев К.А., Кадырбаев М.К., Оразбаев А.М. Древняя культура Центрального Казахстана. – Алма-Ата, 1966. – 436 с.
- Варфоломеев В.В., Кукушкин И.А., Кукушкин А.И., Мәкен Ә.Б., Дмитриев Е.А., Әлкей Е.А., Шохатаев О.С. Қарағанды облысы Шет ауданының археологиялық картасы. – Қарағанды, 2018. – 175 б.