Аққошқар қорымы

Аққошқар өзенінен оңтүстік-шығысына қарай 3,2 км, Қыпшақ көлінен оңтүстігіне қарай 6 км, Мошан қыстағынан оңтүстік-батысына қарай 4,5 км жерде, төбе басында орналасқан. Қорым екі қорғаннан тұрады. Қорған 1 диаметрі 9 м, биіктігі 0,4 м. Қорған 2 диаметрі 8 м, биіктігі 0,4 м. Қорғандар тас үйіндісінен тұрады.

Ескерткішті 2009 жылы И.А. Кукушкиннің басшылығымен ҚарМУ жанындағы Сарыарқа археологиялық институтының іздестіру жасағы ашты.

Әдебиет:

Кукушкин И.А. , Шашенов Д.Т., Кукушкин А.И., Елибаев Т.А., Дмитриев Е.А. – Қарағанды облысы Нұра ауданының археологиялық картасы. – Қарағанды / 2016. – 140 б.